GELOOF

Waarvoor is ek op aarde?
Dit is 'n vraag wat baie mense vra. Ek kan dit nie anders antwoord as vanuit my Christelike geloof nie. Ek glo dat God my geskep het, my met 'n bepaalde doel op aarde geplaas het. Die hoogste doel is om Hom te ken, te dien, te vertrou en te gehoorsaam. Daar is geen ander manier om jou doel te bereik as deur Jesus Christus te ken nie. Hy is my Verlosser, my Koning, my Raadgewer, my Padwyser. Deur Hom kan ek bid tot die heilige Vader. Hy gee hoop vir nou en vir die toekoms - tot in ewigheid. Kennis van God is net moontlik, omdat Hy Hom in sy Woord (die Bybel) aan ons bekend maak. Deur die leiding van sy Gees verstaan ek, glo ek en doen ek wat Hy in sy Woord vir my leer.